Gjykata e Posaçme shpalli fajtor dhe dënoi 11personat e arrestuar për kultivimin e kanabisit në fshatrat e Krujës, ndërsa shpalli të pafajshëm njërin prej tyre. Në total, trupi gjykues dha 100 vite burg, por për shkak të gjykimit të shkurtuar ata do të vuajnë 75 vite e 3 muaj. Bujar Sefa do qëndrojë në qeli 10 vite, ndërsa Lavdërim Alimani 8 vite. Me 8.8 u dënua Skënder Velja, ndërsa për gjashtë të tjerë trupi gjykues vendosi 6.8 vite burgim. Gjyqtari Erjon Bani shpalli të pafajshëm të pandehurin Vait Taka. Të akuzuarit u arrestuan gjatë oepracionit “Radio-ndërlidhja” ku u goditën dy grupe kriminale. Nga hetimet rezultoi se të pandehurit kultivonin kanabis në zonat malore të Krujës e më pas e shisnin në treg. Për kujdesin dhe ruajtjen e bimëve narkotike të akuzuarit punësonin punëtorë dhe kishin ngritur sisteme vaditjeje. Për organizimin e kësja veprimtarie të paligjshme ata ndihmoheshin dhe nga punonjës të strukturave të policisë si dhe ato të njësisë administrative Krujë, sipas uniformave blu.