Vladimir Putin “mbikëqyr personalisht” zhvillimin e armëve bërthamore në Rusi ndërsa kremlini paralajmëron se apokalipsi është “një mundësi reale”. Kreu i Korporatës së Energjisë Atomike të Rusisë, Alexei Likhachev, zbuloi përfshirjen e drejtpërdrejtë të presidentit në aktivitetet e saj. “Mburoja jonë bërthamore, shpata jonë bërthamore, mbetet detyra jonë kryesore. Presidenti i Federatës Ruse mbikëqyr personalisht krijimin e armëve bazuar në parime të reja fizike dhe ruajtjen e aftësisë luftarake të zgjidhjeve tona ekzistuese”, tha Likhachev. Zbulimi erdhi ndërsa ndihmësit e Putinit janë përfshirë në një mosmarrëveshje nëse planifikonin të lëshonin raketa bërthamore mbi armiqtë e tyre. Dmitry Medvedev, ish-president rus, kërcënoi “mundësinë reale” të “apokalipsit bërthamor”. “Konflikti ynë me botën perëndimore sot është ekzistencial në natyrë. Dhe, për fat të keq, nuk kam iluzione për atë që do të ndodhë më pas”, tha Medvedev. Por Andrey Belousov, nga Ministria e Jashtme Ruse, i kritikoi ashpër pretendimet. “Ne e konsiderojmë të nevojshme të hedhim poshtë spekulimet e pabaza se Rusia dyshohet se po shqyrton mundësinë e përdorimit të armëve bërthamore në Ukrainë ose po kërcënon t’i përdorë ato”, tha ai duke pretenduar se Moska po punon në mënyrë aktive për të “parandaluar çdo përballje ushtarake” mes rivalëve bërthamorë. “Rusia nuk është e interesuar të përshkallëzojë tensionet. Është në interesin tonë që armët bërthamore të mos përdoren kurrë”, tha Belusov.