Teksa na ndajnë disa orë nga çelja e procesit të votimit, janë 654,538 shtetas shqiptarë me të drejtë vote të cilët të dielën u drejtohen kutive të votimit për të zgjedhur kryetarët e rinj. Kryetarët e rinj të bashkive Vorë, Rrogozhinë, Lushnjë, Shkodër, Dibër dhe Durrës do të kenë një mandat 1-vjeçar. Ndërkohë mes votuesve, sipas KQZ janë 10,134 qytetarë që votojnë për here të parë, ndërsa 135 shtetas nuk janë përfshirë në lista për shkak të dekriminalizimit. Komisioni Qendror i Zgjedhjeve ka bërë të ditur se janë gjithsej 941 Qendra Votimi në dispozicion të qytetarëve për të ushtruar të drejtën e votës nga ora 07:00-19:00. Teksa në të gjitha qendrat e votimit do të jetë identifikimi elektronik, Bashkia Vorë bën diferencën, ku edhe votimi edhe numërimi do të jetë elektronik, e për këtë kreu I KQZ është shprehur se rezultati paraprak do të jepet menjëherë pas mbylljes së procesit të votimit. Ndërkohë Celibashi tha se për 5 bashkitë e tjera, rezultati paraprak pritet të jepet Brenda 48 orëve nga mbyllja e votimit, ashtu siç e parashikon ligji, për tu njohur kështu me drejtuesit e ri të pushtetit local për 6 bashkitë.