Të paktën 63 persona kanë vdekur dhe më shumë se 40 të tjerë janë plagosur pas përfshirjes nga flakët të një godine shumëkatëshe në qendër të Johannesburg në Afrikën e Jugut. Autoritetet thanë se flakët kanë shkatërruan plotësisht ndërtesën e vendosur në një nga lagjet qendrore të biznesit. Mes viktimave, autoritetet thonë se ka edhe fëmijë. Një zjarrfikës tha për BBC se shumë nga viktimat ka të ngjarë të jenë bllokuar nga materialet plastike dhe plastmasi që shumë prej banorëve të godinës i përdornin për të ndarë ambientet. Ndërtesa ishte pa leje dhe sipas autoriteteve në të banonin njerëz të pastrehë. Mund të ketë pasur deri në 200 njerëz që jetonin në ndërtesë, thanë dëshmitarët. Shumica e viktimave besohet se janë emigrantë ilegalë. Autoritetet po punojnë për identifikimin e tyre, ndërsa nga hetimet paraprake dyshohet se flakët kanë shpërthyer aksidentalisht.