Më shumë se 300 fëmijë dhe stafi i një shkolle katolike mendohet se janë rrëmbyer në Nigerinë qendrore, duke e bërë atë një nga rrëmbimet masive terroriste që ka parë vendi në historinë e tij. Shoqata e Krishterë e Nigerisë tha se 303 nxënës dhe 12 mësues u rrëmbyen nga Shkolla Shën Maria. Rrëmbimi vjen mes një rritjeje të sulmeve nga grupet e armatosura. Numri i rishikuar i personave të rrëmbyer tejkalon 276 të rrëmbyer gjatë rrëmbimit masiv famëkeq të vitit 2014. Policia lokale tha se persona të armatosur sulmuan shkollën në orët e para të mengjesit të së premtes, duke rrëmbyer nxënësit që po qëndronin atje. Nxënësit e rrëmbyer janë të moshës nga 6 deri në 16 vjeç. Autoritetet thanë se kanë nisur një operacion masiv kërkim shpëtimi, nëpër zonat përreth. Përshkallëzimi i dhunës ndërfetare në Nigeri pason paralajmërimin e Presidentit amerikan, Donald Trump, që 10 ditë më parë tha se SHBA ishte e gatshme të ndërhynte ushtarakisht në vendin afrikan nëse nuk ndalej dhuna ndaj të krishterëve.