Mbi 230 mijë armë pa leje janë në duar të qytetarëve të Kosovës, sipas të dhënave të Ministrisë së Punëve të Brendshme. Dëri më tani, Policia e Kosovës deklaron se ka konfiskuar 430 armë pa leje. Sipas të dhënave të Policisë, nga viti 2020 deri më 18 prill të këtij viti, janë ngritur 5.895 raste në gjykata lidhur me veprën penale: “mbajtje në pronësi, kontroll ose posedim të paautorizuar të armeve”. Vetëm gjatë muajit prill, në Kosovë u vranë dy gra - njëra në Ferizaj dhe tjetra në Pejë. Policia konfirmoi se të dyshuarit për vrasje - në të dyja rastet bashkëshortët - përdorën armë pa leje Për armëmbajtje pa leje, Kodi Penal i Republikës së Kosovës parasheh gjoba deri në 7.500 euro ose dënim me burgim deri në 10 vjet. Ekspertër e cështjes së sigurisë kanë sugjeruar që policia të rrisë kontrollet nëpër makina, pasi nisur nga raportimet, armët pa leje shumë shpesh gjenden në makina. Sipas Policisë, çdo i shtati i qytetar i Kosovës ka një armë pa leje.