Lëkundjet e shpeshta sizmike kanë ngjallur frikë dhe panik në radhët e banorëve të Santorinit në Greqi. Ishulli me më shumë turistë në shtetin fqinj, vazhdon të goditet nga tërmete të njëpasnjëshme. Kjo gjë ka bërë që shumë linja ajrore të risin çmimet si dhe të shtonin avionët pasi kërkesa për bileta u rrit shumë. Nga na tjetër kanë nisur dhe largimet nga ishulli përmes linjave të trageteve. Shumë të tjerë e kanë kaluar natën jashtë ndërsa rrëfyen për mediat greke se situate është aspak e zakontë. Turistët kanë qenë ata që u larguan të parët duke ndërprerë pushimet e tyre. Gjatë kësaj të hëne një tërmet me magnitudë 4.8 ballë të shkallës Rihter, më i fuqishmi deri më tani, u regjistrua në orën 14:17 me orën lokale. Gjithashtu janë regjistruar rrëshqitje të tokës dhe gurëve. Nga ana tjetër, qeveria është vendosur në gatishmëri për të evakuuar nga zona banorët në rast rreziku.