Ka shkuar në mbi 120 numri i viktimave si pasojë e një tërmeti të fuqishëm goditi perëndimi i Afganistanit I një shkalle prej 6.3 Rihter. Për pasojë gërmadhat e ndërtesave ranë mbi trupat e dhjetra personave të cilët gjetën vdekjen. Mediet ndërkombëtare bëjnë me dijese se krahas viktimave, është rritur edhe numri I të plagosurve, duke shkuar në mbi 1000. Sipas zyrtarëve ka të ngjarë që numri i viktimave të vijojë e të rritet. Drejtori i departamentit të shëndetësisë në provincën Herat tha për AFP se ka njerëz të bllokuar nën rrënoja”. Ndërsa Shërbimi Gjeologjik i SHBA-së në një raport paralajmëroi se qindra persona mund të kenë vdekur. Autoritetet për menaxhimin e fatkeqësive kanë raportuar se në zonat rurale dhe malore ka pasur rrëshqitje të dheut. Herati gjendet 120 kilometra në lindje të kufirit me Iranin dhe konsiderohet kryeqyteti kulturor i Afganistanit. Në të jetojnë 1.9 milion banorë. Afganistani shpesh goditet nga tërmetet, në vargmalin e Hindu Kushit, që gjendet afër pllakave tektonike euroaziatike dhe indiane. Në qershor të 2022 një tjetër tërmet vrau 1.000 persona dhe mijëra të tjerë mbetën të pastrehë. Gjithashtu në mars të këtij viti, 13 persona ishin viktimat të një tjetër tërmeti.