Instituti Kombëtar i Shëndetësisë Publike në Kosovë ka publikuar shifrat nga Covid 19 përgjatë 24 orëve të fundit. Sipas të dhënave të raportit, ka një rënie të ndjeshme të rasteve të reja dhe vitima nga koronavirusi. Në 24 orët e fundit 19 persona kanë humbur jetën si pasojë e Covid. Ndërkohë, Ministria e Shëndetësisë njoftoi se në 24 orët e fundit, 279 raste kanë rezultur pozitivë nga 6 mijë e 79 testime të kryera. Po gjatë këtij harku kohoë janë shëruar 1 mijë e 269 qytetarë, ndërsa numri i përgjithshëm i të shëruarve është 143 mijë e 333. Ndërkohë, në total numri i rasteve aktive në Kosovë është 12 mijë e 464. Në 24 orët e fundit janë dhënë 18 mijë e 960 doza të vaksinës kundër COVID-19. Prej fillimit të vaksinimit në të gjithë Kosovën janë dhënë 1.129.250 doza të vaksinës. Nga këto, 412.523 qytetarë janë vaksinuar me të dyja dozat.