Përfaqësues të Komisionit të Përkohshëm të Rithemelimit kanë publikuar sot një listë me emra, ku sipas tyre nuk kanë qenë prezent në Kuvendin Kombëtar të 18 Dhjetorit të thirrur nga Lulzim Basha, por rezultojnë si firmëtarë të ndryshimeve statuore. Përmes një deklarate për mediat të mbajtur jashtë dyerve të selisë blu, ata kanë deklaruar se mes votuesve të Kuvendit të 18 Dhjetorit ka pasur persona që janë anëtarë të Partisë Socialiste, si dhe delegatë të cilët nuk kanë qenë fare në Shqipëri në atë ditë.