Sali Berisha përshëndeti nismën e një grupi protestuesish që dorëzuan në SPAK si provë librin ‘The Albanian Files”, që përmban mbi 500 projekt-ide për ndërtime resortesh, vilash dhe hotelesh luksoze në Shqipëri. Dhe libri i kuq është dëshmia më autentike e dorëzimit, të themi të Shqipërisë panoramike, ta quajmë kështu në mënyrë arbitrare, në duart e trafikantëve dhe mafies shqiptare.Kjo është e vërteta. Ky libër shtron probleme shumë, shumë madhore, kriminale. Së pari, kush është personi që ka porositur dhe paguar projektin? Cilat janë dokumentet e pronësisë në atë zonë? Sa janë paguar studiot për projektet dhe si janë paguar, me bankë apo me strajca? I bëj thirrje Interpolit, Europolit dhe Eurojust për të kuptuar shtrirjen e tmerrshme të tentakulave të narkoshtetit shqiptar. Për 523 projekte janë paguar minimumi nga 1.5 në 2 miliardë euro. Berisha përsëriti qëndrimin se PD mbështet protestën, por nuk synon kapjen e saj.