Bosnje dhe Hercegovina ka marrë dërgesën e parë me vaksina kundër koronavirusit të porositur në kuadër të mekanizmit COVAX. Në Aeroportin Ndërkombëtar të Sarajevës, arritën 23,400 doza të vaksinës së Pfizer/ BioNtech dhe më vonë do të mbërrijnë edhe 26,400 dozave të vaksinave AstraZeneca, të cilat nisura nga nga Stambolli, njoftoi Ministria për Çështje Civile e Bosnje dhe Hercegovinës. Bosnjë Hrecegovina nisi procesin e blerjes së vaksinave përmes mekanizmit COVAX në korrik të vitit të kaluar dhe kontrata u nënshkrua dy muaj më pas. Mekanizmi COVAX koordinohet nga Aleanca Globale e Vaksinave , Organizata Botërore e Shëndetësisë dhe Koalicioni për Inovacionet e Përgatitjes Epidemike . COVAX synon të sigurojë një shpërndarje të barabartë të vaksinave në vendet më të varfra të botës. Bosnje dhe Hercegovina ka llogaritur rreth 13 milionë dollarë për blerjen e vaksinave përmes COVAX, por është përballur me vonesa në dërgesat e vaksinave. Kjo është arsyeja që dy entitetet e këtij vendi, Federata e Bosnjës dhe Republika Sërpska filluan ndaras procesin e furnizimit me vaksina. Republika Sërpska ka ndarë 7.5 milionë euro për blerjen e 200,000 vaksinave ruse Sputnik V. Që nga ajo kohë, 42,000 vaksina Sputnik V. kanë mbërritur në Republika Sërpska. Serbia i ka dhuruar 10,000 vaksina AstraZeneca njësisë tjetër, Federatës së Bosnje dhe Hercegovinës.