Trupi i fundit që rezultonte i zhdukur pas tragjedisë së superjahtit të fundosur në Siçili, u gjet të premten nga zhytësit, raportoi Associated Press. Roja bregdetare italiane tha se trupi i fundit i zhdukur ishte nxjerrë nga jahti i zhytur në 50 metra thellësi, të premten. Bëhet fjalë sipas burimeve nga roja bregdetare për trupin e pajetë të 18 vjecares Hannah Lynch, vajza e atij që njihej si Bill Gates i britanisë së madhe, trupi i të cilit u gjet më herët, të enjten. Bashkëshortja e Lynch, Angela Bacares, ishte mes 15 personave të shpëtuar nga roja bregdetare italiane të hënën pasi jahti Bayesian u mbyt gjatë një stuhie në det. Gjithsej 22 persona ndodheshin në bordin e superjahtit kur ai u mbyt, me shtatë që tashmë janë konfirmuar të vdekur. Viktimat e tjera janë Jonathan Bloomer, gruaja e tij Judith Bloomer, avokati Christopher Morvillo dhe gruaja e tij Neda Morvillo. Trupi i parë, që u gjet të hënën, ishte ai i kuzhinierit të jahtit, Recaldo Thomas. Superjahti Bayesian u mbyt në brigjet e Siçilisë të hënën, kur u godit nga një tornado e frikshme. Jahti, me vlerë rreth 18 milionë dollarë, u zhyt mbi 164 metra nën sipërfaqe, duke bërë që zhytësit të punonin në zonë gjatë gjithë javës. Një zëdhënës i rojes bregdetare italiane tha ndërkohë se një vendim nëse do të nxirret jahti i fundosur nga fundi i detit "nuk është në rendin e ditës" për momentin, por do të jetë në të ardhmen. Prokurorët italianë kanë nisur një hetim për ngjarjen, dhe pista e vrasjes nga pakujdesia është po ashtu në tryezë.