Trump mbërriti me vonesë në Zvicër të mërkurën, pasi një defekt elektrik në Air Force One e detyroi të ndërronte aeroplan, por e mbylli axhendën e tij në Davos duke paraqitur dhe njëherë pretendimet e tij për Groenlandën ndërsa në fundajvë njoftoi tarifat për vendet eurpiane. Ndërkohë Mark Carney, kryeministri kanadez, e përdori fjalimin e tij në Davos të martën për të paralajmëruar vendet e BE që të bashkohen përballë "shtrëngimit" të SHBA-së. "Fuqitë e mesme duhet të veprojnë së bashku, sepse nëse nuk jemi në tryezë, jemi në menu", tha ai. Por Trump e sulmoi drejtpërdrejt Carney-n në fjalimin e tij, duke pretenduar se Kanadaja kishte marrë “shumë gjëra falas” nga SHBA-të. “Kanadaja jeton për shkak të SHBA-së: mbaje mend këtë, Mark, herën tjetër që do të bësh deklaratat e tua.” Carney ishte vetëm një nga një sërë objektivash në fjalimin, i cili zgjati më shumë se një orë. Ndër ta ishin Zvicra, presidenti francez, Emmanuel Macron, kryetari në largim i Rezervës Federale, Jerome Poëell, dhe kongresmenja e lindur në Somali, Ilhan Omar. Në të kundërt, Trump tha se kishte një “marrëdhënie shumë të mirë me Presidentin [e Rusisë] [Vladimir] Putin dhe Presidentin Xi [Jinping të Kinës]”.