Koreja e veriut kritikoi SHBA, Korenë e Jugut dhe Japoninë, që lidhën së fundmi një marrëveshje për forcimin e bashkëpunimit ushtarak, duke thënë se ato po përpiqen të materializojnë planin amerikan për një aleancë ushtarake si ajo e NATO-s, në rajon. Zëdhënësi i ministrisë së jashtme të koresë së veriut tha: Realiteti tregon se qëllimi i vërtetë i Shteteve të bashkuara të amerikës ëhstë përhapja e zërave për kërcënim nga Koreja e Veriut, si një justifikim për të vendosur supremaci ushtarake në rajonin e azisë dhe paqësorit. Situata aktuale e kohëve të fundit dikton nevojën për rritjen e kapaciteteve mbrojtëse të vendit tonë në mënyrë që të përballohet përkeqësimi i shpejtë i gjendjes së sigurisë. Liderët e SHBA, Koresë së Jugut dhe Japonisë, u takuan në prapaskenat e samitit të NATO-s në Madrid, këtë javë dhe ranë dakord të eksplorojnë mënyrat për të përforcuar kapacitetet mbrojtëse kundër Koresë së Veriut.