Aksi rrugor Librazhd-Elbasan sa herë që ka reshje shiu kthehet në rrezik serioz për drejtuesit e automjeteve. Sepse nga shpati i malit bien masive gurësh dhe inerte, që jo vetëm pezullojnë lëvizjen, por edhe janë rrezik për drejtuesit e automjetev. Edhe pse firmat e pastrimit me mjetet e nevojshme kanë mundësuar heqjen e tyre, gjatësia e segmentit, e pamundëson mbajtjen nën kontroll të situatës, pasi në shpatin e malit nuk ka as barriera mbrojtëse, siç janë rrjetat. Rënia e gurëve përgjithësisht shkaktohet nga përkeqësimi i kushteve atmosferike, ndërkohë emergjencat civile duke bashkëpunuar me strukturat e aurtoritetit rrugor shqiptar shpesh herë ushtrojnë kontrolle ne këtë aks rrugor, me qëllim parandalimin dhe pastrimin e aksit nga inertet për të shmangur kështu ndonjë aksident të mundshëm rrugor. Zona e Murrashit në aksin Elbasan-Librazhd është e rrezikshme dhe shumë problematike, edhe pse ende nuk ka një vendim final për të ndërhyrë në të. Autoritetet apelojnë për drejtuesit e mjeteve të tregojnë kujdes për shkak të lagështirës në rrugë dhe të respektojnë sinjalistikat rrugore.