Shpërthimi i një bombule gazi, mbrëmjen e së hënës, ka shkatërruar tërësisht një banesë në lagjen 5 maji në Elbasan. Fatmirësisht në momentin e shpërthimit askush nuk është ndodhur në shtëpi dhe ska të lënduar, por dëmët materiale jane të mëdha. Zonja e shtëpisë ka dalë të kërkojë ndihmë pasi bombula është përfshirë nga flakët. Kur ka ndodhur shpërthimi ka qenë jashtë banesës. Kanë shpëtuar për mrekulli edhe efektivët zjarrfikës të cilët u thirrën për zjarrin dhe sapo kishin mbërritur kur ndodhi shpërthimi. Banesa private tashmë është kthyer e pabanueshme nga shperthimi i fuqishëm. Të hënën në mbrëmje edhe një apartament në lagjen “Granice” në qytetin e Gjirokastrës është përfshirë nga flakët. Zjarrfikësit ndërhynë menjëherë për izolimin e flakëve në pallatin 5-katësh, duke parandaluar përhapjen e tyre në apartamentet e tjera të pallatit. Pas disa minutash ndërhyrje, zjarri u vu plotësisht nën kontroll dhe u shua. Si pasojë e zjarrit, janë shkaktuar dëme materiale në orenditë shtëpiake të apartamentit, ndërsa fatmirësisht nuk raportohet për persona të lënduar. Paraprakisht dyshohet se shkak i rënies së zjarrit ka qenë një shkëndijë elektrike.