Top News – Mashtrues dhe dëshmitar i drejtësisë /SPAK, 15 masa sigurie për zhvatjet me call center

Prokuroria e Posaçme ka kërkuar 11 masa arrest me burg dhe 4 arrest shtëpie për 15 punonjësit e Call Centrit, të cilët ranë në prangat policisë së shtetit, për mashtrim në kuadër të grupit kriminal. Nëpërmjet një skeme të mirëorganizuar mashtrimi u përvetësuan rreth 5 milionë euro. Mësohet se për masën e arrestit me burg, të punonjësit të IT së Call Center, Xhuljano Xhafa, është kërkuar një afat 60 ditor. Mësohet se ky i fundit ka bashkëpunuar me drejtësinë për zbardhjen e skemës të mashtrimit. Gjatë marrjes në pyetje përballë agjentit të Byrosë Kombëtare të Hetimit, Xhafa ka treguar gjithë skemën sesi zhvateshin qytetarët gjermanë, duke dhënë edhe informacione apo detaje konfidenciale që kanë ndihmuar agjentin në zbardhjen e plotë të kësaj dosjeje.