Ish-kryeministri Sali Berisha edhe këtë të martë në konferencën me gazetarët akuzoi gjyqtaren Irena Gjoka, se po mashtron për mbiemrin e saj. Berisha thekson se po fshihet psa mbiemrit të bashkëshortit duke mohuar se është Iren Maneku. Gjykatësja që fshihet prapa emrit të burrit, jam Gjoka, nuk jam Maneku. Ministria e Drejtësisë e ka pranuar se ndaj saj në vitin 1996 është marrë masë disiplinore shkarkimi. Dhe tani që e gjeti Ministria e Drejtësisë dhe ia dha avokatit, më thonë se i ka thënë Ministrisë së Drejtësisë se unë jam Gjoka. Imagjinoni tani nëse një burrë ndërron mbiemrin sipas gruas, po mori dy gra, merr tre mbiemra dhe hajde gjeje kush është ai. Ish-kryeministri vijon ta konsiderojë gjithçka një luftë politike nëpërmjet SPAK, teksa theksoi edhe pse gjykata vendosi lehtësim të masës së sigurisë për dhëndrin e tij, çështja do të shkojë në Strasburg.