Policia Italiane ka goditur një skemë kriminale, pjesë e të cilës ka qenë edhe një shqiptar 22 vjeçar. Në bashkëpunim me një shtetas 18 vjeçar me origjinë turke, ai akuzohet për mashtrim dhe vjedhje parash. Një 91 vjeçare, ka dëshmuar në autoritetet policore, rreth një telefonate që kishte marrë pak ditë më parë. Referuar dëshmisë së së saj, ka komunikuar në telefon me një person, i cili shtirej si oficer i policisë italine. Ky i fundit i ka komunikuar 91 vjeçares se një rumun ishte arrestuar për përdorimin e kartës së saj bankare. Në këtë formë 91 vjeçarja i ka dorëzuar kartën bankare. Pasi siguruan kartën bankare të rinjtë nuk ishin në gjendje të tërhiqnin paratë dhe kjo gjë u bë me dije nga autoritetet e Riminit. Dyshohet se kjo nuk është hera e parë që shtetas italianë bien pre e kurthit të dy të rinjve. Si pasojë hetimet e policisë janë fokusuar për të evidentuar raste të tjera të ngjashme apo përfshirjen e të rinjve në ndonjë skemë tjetër kriminale.