Pas Monika Kryemadhit, edhe Ilir Meta e konsideroi pretendimin e SPAK për prova të reja në procesin gjyqësor të ngritur ndaj tij si një mashtrim. Dubel ilir meta - Kjo gënjeshtër e shpërndarë nga SPAK-u dhe prokurorët e provuar si shkelës të ligjit dhe kamikazë të Kryekleptokratit, Edi Rama është një mashtrim për të justifikuar paraburgimin tim të paligjshëm dhe kriminal, si dhe për t’u dhënë mandate të përjetshme kamikazëve që janë provuar si garantë të pandëshkueshmërisë së Edi Ramës dhe armiq të betuar të opozitës dhe pluralizmit politik. Meta thotë se asnjë letërporosi dhe asnjë provë tjetër nuk mund të vijë që të provojë shkeljen prej tij të ligjeve shqiptare, amerikane, apo ndërkombëtare. Ndërkohë, Monika Kryemadhi i është drejtuar SPAK me disa pyetje në lidhje me pretendimet e organit të akuzës për prova të reja. Pyetjet lidhen me çështjen e lobimit të LSI në SHBA në kohën që drejtohej prej saj. Kryemadhit thotë se prokuroria e posaçme nuk ka sjellë asnjë mandat që të provojë pagesat e LSI-së drejt dy kompanive lobuese në Uashington.