Prokuroria e Posaçme ka kërkuar 42 vite burg për dy autorët e dyshuar të vrasjes së Regis Runajt, në ngjarjen e ndodhur në korrik të 2020 në qytetin e Elbasanit. SPAK kërkoi 30 vjet burg për Xhuliano Hoxhën dhe 12 vjet burg për Euglent Halilin. Pretenca për këtë të fundit u zbut, pasi SPAK tha se ai ka bashkëpunuar me drejtësinë. Dy personat akuzohen se qëlluan 27 herë me thikë Regis Runajn në një vrasje të porositur nga Erion Alibej. Vrasjes së Regis Runajt i parapriu ekzekutimi i Emiljano Ramazanit, po në qytetin e Elbasanit. Gjatë relatimit të pretencës SPAK sqaroi se emri i Euglen Halilit u zbulua si i përfshirë në dy krimet pasi një person e kishte parë atë në tavolinë me Rigers Runajn. Pasi u shoqërua në polici Euglen Halili ka rrëfyer se porosinë për të kryer vrasjen e Emiljano Ramazanit dhe Rigers Runajt e ka dhënë Erjon Alibej. Halili tregon në dëshmi se fillimisht Alibej i ka dhënë Xhuliano Hoxhës 5 mijë euro dhe një celular të kriptuar që të komunikonin. Pagesat ishin për të vëzhguar lëvizjet e Emiljano Ramazanit dhe pas ekzekutimit të këtij të fundit nga Nuredin Dumani, Alibej u ka lënë një javë kohë dy të rinjve që të vrisnin me thikë Rigers Runajn.