Një 25-vjeçar Klodian Saliaj nga Armeni i Vlorës, dyshohet për një sulm me thikë ndaj një 73-vjeçari gjatë një tentativë grabitjeje në shtëpinë e tij në Greqi. Autoritetet thanë se Saliaj, i shoqëruar nga një bashkatdhetar 18-vjeçar, hyri në shtëpinë e të moshuarit në Kefalonia për të kryer grabitjen. Në momentin që 73-vjeçari u kthye në shtëpi, 25-vjeçari e sulmoi me thikë, goditur rreth 10 herë në bark dhe shpatull. Pas sulmit, grabitësit u larguan , ndërsa viktima i plagosur kërkonte ndihmë në rrugë. Pas ndërhyrjes së autoriteteve, 73-vjeçari u dërgua për trajtim të menjëhershëm në spitalin e Argostolit, për t'u transferuar më pas në Spitalin Universitar të Janinës. Dy të dyshuarit, që qëndronin pa dokumente në Greqi, u arrestuan nga autoritetet e Sigurisë së Argostolit dhe Ekipi për Parandalimin dhe Shuarjen e Krimit të Kefalinisë pasditen e djeshme. Hetimet vazhdojnë për të sqaruar rrethanat e ngjarjes dhe veprimet e dyshimtarëve në momentin e grabitjes.