Një person i armatosur ka vrarë 10 persona në një supermarket Ëalmart në Chesapeake, në shtetin amerikan të Virxhinias. Një person që besohet se ishte menaxheri i dyqanit, hapi zjarr dhe më pas ktheu armën nga vetja duke i dhënë fund jetës. Nuk ka shumë detaje për ngjarjen por një oficer policie tha se më shumë se 10 persona janë vrarë dhe shumë të tjerë janë plagosur. Motivi i ngjarjes ende nuk është bërë e ditur. Sipas policisë, sulmi ndodhi në orën 22.12 minuta sipas orës lokale. Zëdhënësi i policisë tha se gjithcka ka ndodhur brenda dyqanit dhe se i dyshuari kishte vepruar i vetëm. Ëalmart tha se ishte e shokuar nga kjo ngjarje tragjike dhe se po punonte ngushtë me skuadrat e policisë. Imazjet e postuara në mediat sociale treguan prani të shtuar policie në vendngjarje dhe pamjet e transmetuara online tregonin dëshmitarë okularë, të veshur me uniformat e Ëalmart, që tregonin se cfarë kishte ndodhur. Një prej tyre tregoi se kishte qenë menaxheri i dyqanit ai që kishte hapur zjarr.