Më shumë se 100 gra tw burgosura u përdhunuan dhe më pas u dogjën të gjalla gjatë një arratisjeje nga burgu në qytetin kongolez Goma, sipas OKB-së. Qindra të burgosura tentuan tw largoheshin nga burgu Munzenze të hënën e kaluar, pasi luftëtarët e grupit rebel M23 filluan të pushtonin qytetin. Mw shumw se 167 gra u sulmuan nga të burgosurit meshkuj gjatë largimit nga burgu, thotë një dokument i brendshëm i OKB-së i parë nga BBC. Në raport thuhet se shumica e grave u vranë pasi të burgosurit i vunë zjarrin burgut. BBC nuk ka qenë në gjendje të verifikojë raportet. Goma, një qytet i madh me më shumë se një milion banorë, u pushtua pasi M23 i mbështetur nga Ruanda bwri një përparim të shpejtë në lindje të DR Kongos. Qyteti u zhyt në kaos, me trupa të shtrirë në rrugë dhe raketa që thuhet se fluturonin mbi shtëpi banimi. OKB thotë se të paktën 2,900 njerëz u vranë gjatë luftimeve, me 2,000 trupa të varrosur dhe 900 të tjerë ende në morgjet e qytetit. Në fillim të kësaj jave, rebelët njoftuan një armëpushim për arsye humanitare. Autoritetet kongoleze kanë thirrur qindra vullnetarë civilë për të ndihmuar në mbrojtjen e Bukavu.