Ministri i Shtetit Makis Voridis ka shprehur kundërshtimin e tij ndaj martesës së të njëjtit seks, duke pohuar se nëse dhe kur ky projektligj të arrijë në Kuvend, ai nuk do të votojë pro. “Unë kam artikuluar pikëpamjen time personale. Unë jam në kundërshtim me të dhe e kam thënë qartë se nuk do ta mbështes. Gjithçka që shkon përtej mendimin tim personal, është në sferën e kryeministrisë "tha Voridis gjatë një interviste për median greke. Më tej, Voridis vuri në dukje se duke pasur parasysh mungesën e ndonjë nisme konkrete nga qeveria në këtë drejtim, “diskutimi aktual mbetet kryesisht akademik dhe teorik”, ndaj një hap drejt nëj drafti ligjor, duket ende i largët. Në korrik, Kyriakos Mitsotakis, kryeministri konservator, kishte shpallur synimin e tij për të legalizuar martesat e të njëjtit seks gjatë mandatit të tij të dytë në detyrë, duke pohuar, "Martesa e të njëjtit seks do të ndodhë në një moment dhe kjo është pjesë e strategjisë sonë". Më tej ai theksoi se “shoqëria greke është shumë më e gatshme dhe më e pjekur, për t’i pranuar ato”. Raportet e fundit kanë treguar se legjislacioni do të zgjeronte gjithashtu të drejtat e birësimit për çiftet e të njëjtit seks.