Shqipëria rezulton vendi me normën më të lartë të martesave në Europë, sipas të dhënave të Eurostat për vitin 2024. Në vend janë regjistruar 6.8 martesa për 1 mijë banorë, një nivel që mbetet i pandryshuar krahasuar me vitin 2022 dhe dukshëm më i lartë se mesatarja europiane prej 3.9 martesash për 1 mijë banorë. Në vend të dytë është Maqedonia e Veriut, por të dhënat e fundit nga ky shtet i përkasin vitit 2021. Mungojnë të dhënat për Kosovën që ka një popullsi të re dhe numër të lartë martesash. Në rajon, niveli më i ulët i martesave është në Serbi, me 4.6 martesa për 1000 banorë-shkruan revista Monitor. Pas Shqipërisë, normat më të larta bruto të martesave janë regjistruar në Turqi, me 6,6, dhe Moldavi, me 6,1.