Presidenti rus Vladimir Putin pëlqen ta paraqesë veten si një njeri i fortë. Por historia e tij në trajtimin e krizave të fundit në Rusi zbulon një anë tjetër të personalitetit të tij presidencial: atë të paralizës dhe pavendosmërisë. Një ditë e gjysmë pasi trupat ukrainase sulmuan kufirin rus dhe u shtynë më tej thuajse pa pengesa nëpër rajonin jugor të Kurskut, Putin më në fund bëri lëvizjet e tij të para publike për këtë çështje. Ai e quajti inkursionin një "provokim masiv", akuzoi Ukrainën se qëlloi pa dallim mbi civilët dhe më pas kaloi shpejt në cështje të tjera qeveritare. Do të duheshin pesë ditë të tjera dhe humbja e afro 30 vendbanimeve, përpara se të premtonte një përgjigje ushtarake. Nuk pati asnjë vizitë në rajon për të takuar dhjetëra mijëra të evakuuar, asnjë deklaratë për gjendjen ushtarake.