Qeveria shqiptare ka arritur të dakordësojë n jë marrëveshje me kompaninë amerikane të prodhimit të vaksinave pfizer. Kryeministri Edi Rama ka njoftuar se është rënë dakord parimisht pas shumë negociatave dhe kontakteve me komaninë pfizer për të marrë dozat e para të vaksinave anti covid e për të filluar priocesin e vaksinimit në janar. “Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar”, thuhet ne postimin e ramës në Tëitter. kreu i qeverisë në postimin e tij nukka ngurruar të shigjetojë sërish edhe BE, për mospërfshirjen e vendeve të ballkanit përëndimor në shtetet përfituese të vaksinave. “I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza”, thuhet ne postimin e Ramës. në fillim të dhjetorit kryeministri Rama ndërmori një udhëtim në SHBA për të kontaktuar nga afër me prodhuesit e vaksinave, ku siç njoftoi gjatë qëndrimit atje u takua me bosin e Pfizer Albert Burla. Më herët qeveria u përfshi në mekanizmin Covax, duke parapaguar 3.9 mln dollarë për vaksinën anticovid të Astrazeneca.