Shtetet anëtare të BE ranë dakord të premten të nënshkruajnë një marrëveshje që lejon Agjencinë Europiane të Rojes Kufitare dhe Bregdetare (Frontex) që të vendoset në Shqipëri. Këshilli i Europian njoftoi në një deklaratë se vendet e BE-së “miratuan një vendim për të nënshkruar një marrëveshje me Shqipërinë për aktivitetet operacionale të kryera nga” Frontex. Frontex “do të ndihmojë Shqipërinë në menaxhimin e flukseve migratore, luftimin e emigracionit të paligjshëm dhe trajtimin e krimit ndërkufitar”, thuhet në deklaratë. Marrëveshja do të lejojë operacione të përbashkëta me organizatat shqiptare të zbatimit të ligjit dhe vendosjen e ekipeve të menaxhimit të kufirit Frontex në vend. Marrëveshja e re do të zëvendësojë paktin aktual, që ka hyrë në fuqi prej vitit 2019. Blloku nënshkroi një marrëveshje të ngjashme me Malin e Zi në fillim të këtij viti që hyri në fuqi më 1 korrik. Vendimi vjen mes shqetësimeve në rritje rreth presionit migrator.