Ukraina e filloi ditën me një aromë të re diplomatike pasi marrëveshja e arritur me Uashingtonin për mineralet mund të mos bëhet e vlefshme. Një marrëveshje që do të shihte SHBA-në të investonte në rimëkëmbjen e Ukrainës, në këmbim të një pjese të fitimeve të ardhshme të vendit nga burimet e saj natyrore, infrastruktura energjetike dhe nafta dhe gazi i saj. Pati gjithashtu një raund të parë të bisedimeve të paqes midis zyrtarëve amerikanë, evropianë dhe ukrainas në Paris, të cilat ishin përshëndetur si "pozitive". Kjo ndodhi derisa presidenti i SHBA-së Donald Trump dhe Sekretari i tij i Shtetit Marco Rubio kërcënuan se do të tërhiqen nga ndërmjetësimi i një armëpushimi nëse Kievi e Moska nuk do të vijojnë të përparojnë. Ukraina kishte shpresuar se padurimi në rritje i Amerikës me Rusinë do të përkthehej në sanksione të mëtejshme për Moskën. Në vend të kësaj, kërcënimi i larjes së duarve nga SHBA nga përpjekjet e vazhdueshme për paqe i përshtatet më shumë Kremlinit sesa Kievit. Konsensusi është se pesha kolektive e Ukrainës dhe aleatëve të saj evropianë do të ishte ende e pamjaftueshme për të kundërshtuar agresionin rus në afat të gjatë. Pavarësisht se vazhdon kërkimin e saj për të pushtuar sa më shumë të jetë e mundur erritor të Ukrianës, Moska pretendon se ende po përpiqet për paqen.