“Marrëveshja e Ohrit është zotim ndërkombëtar dhe “nuk bëhet fjalë për një tekst traktati”, kështu ka deklaruar emisari I Bashkimit Europian për dialogun Kosovë – Serbi, Peter Sorensen gjatë një diskutimi në Forumin e Dubrovnikut. Sorensen tha se “ka disa kërkesa dhe përcaktime të qarta që duhet të plotësohen” , ndërsa shtoi se BE-ja pret që ajo të respektohet Zbatimi i saj, tha diplomati, “ka nisur të zbatohet në disa pjesë. “Fakti që ajo mund të mos jetë saktësisht ashtu siç e kanë paraqitur disa politikanë, dëshmohet edhe nga fakti se zbatimi ka nisur në disa pjesë, veçanërisht sa i përket çështjes së personave të zhdukur’, deklaroi Sorensen, ndërsa sqaroi se ka edhe çështje të tjera që kanë mbetur të pazbatuara. Ndërmjetësuesi europian ka përmendur edhe jurisprudencën e Gjykatës Ndërkombëtare të Drejtësisë, e cila tha se “është shumë e qartë” për vlefshmërinë e kësaj marrëveshjeje. Diplomati tha se nuk nevojitet një nënshkrim që një marrëveshje ndërkombëtare, e arritur mes palëve, të jetë e vlefshme. “Dialogu kishte tre palë, ne ishim aty kur marrëveshja u arrit. Ne e mirëpritëm atë në momentin kur u arrit’, tha Sorensen. Marrëveshja Kornizë e Ohrit, i dha fund kofliktit të armatosur të vitit 2001. Përmes saj u vendos paqja dhe avancimi i të drejtave të qytetarëve e në veçanti të etnitetit shqiptar në Maqedoninë e Veriut.