Mark Zuckerberg ka lënë pas Jeff Bezosin dhe ka rrëmbyer titullin e njeriut të dytë më të pasur të botës, duke i parë shpinën vetëm Elon Musk. Pronari i kompanisë Meta, sipas indeksit të miliarderëve të Bloombergut, vlen 210,7 miliardë dollarë, kundrejt 209,2 miliardëve të themeluesit të Amazon. Shifra është stratosferike, pavarësisht se është larg nga 262,8 miliardët e pronarit të Teslas që mban fort pozicionin e tij si njeriu më i pasur në botë. Pasuria e Zuckerberg është e lidhur me Metën, ku ai ka rreth 13 për qind të aksioneve. Aksionet e kompanisë janë rritur këtë vit me rreth 70 për qind dhe kjo ka rritur pasurinë e tij me 78 miliardë dollarë. E ndërkohë, nuk përjashtohet mundësia që pasuria e tij të rritet akoma më shumë pasi drejtuesi i META-s është vetëm 40 vjec, ndërkohë që Elon Muskut iu deshën 53 vite që të ndërtonte perandorinë e tij. Ëarren Buffet në anën tjetër, u bë i pasur pas 65 vjetorit të tij. Zuckerberg e themeloi Facebook në 2004 dhe e kuotoi në Ëall Street në 2021. Meta tani është kompania e gjashtë më e madhe në botë për sa i takon vlerës së tregut, që shkon në rreth 1500 miliardë dollarë, duke lënë pas Berkshire Hathaëay të Buffet dhe madje edhe Teslën e Elon Musk. 2024 për ish facebookun po rezulton një vit shumë pozitiv, me investitorët që shtyjnë drejt ngritjes së mëtejshme.