Marinsat amerikanë kanë zbritur në kufirin jugor të SHBA-së në një përpjekje për të siguruar kalimin me Meksikën, ndërsa Presidenti Donald Trump ka nisur raprezaljen e premtuar ndaj imigracionit të paligjshëm. Rreth 1,500 trupa aktive u dislokuan në kufirin prej gati 3200 kilometrash të gjatë këtë javë, duke përfshirë 500 marinsa nga kampi Pendleton në Kaliforni. Pentagoni pret që trupa shtesë të urdhërohen për t'u vendosur në ditët e ardhshme, ndërsa liderët e mbrojtjes dhe të sigurisë së vendit plotësojnë kërkesat për më shumë mbështetje. Gjithcka ndodh pasi një avion me 88 emigrantë të deportuar nga SHBA-ja ka zbritur në Brazil, me pamjet që tregonin pasagjerët që zbrisnin nga avioni civil me pranga në duar dhe zinxhirë në këmbë. Qeveria e Brazilit shprehu zemërim për trajtimin 'degradues' të të dëbuarve, duke pretenduar se SHBA ka shfaqur një 'shpërfillje flagrante' për të drejtat e tyre. Administrata Trump publikoi rregulla të reja të premten duke e bërë më të lehtë deportimin e njerëzve, pjesë e një morie veprimesh të Trumpit për të përmbushur premtimet e fushatës për krizën në kufijtë e amerikës.