Presidenti i zgjedhur amerikan, Donald Trump, pritet të emërojë senatorin e Floridas, Marco Rubio si sekretar Shteti, ka raportuar e përditshmja amerikane, Neë York Times. Gazeta ka cituar tre burime, të cilët kanë thënë se vendimi nuk është final, por Trump duket i vendosur për Rubion, një besnik i Trumpit, të cilin ai, megjithatë, nuk e zgjodhi kandidat për zëvendëspresident. Emri i Rubios është përmendur vazhdimisht javën e fundit, si një prej personave që mund të udhëheqë diplomacinë amerikane në administratën e ardhshme. Edhe emri i Richard Grenellit, i dërguar i Trumpit për Ballkanin në administratën e kaluar, është përmendur për këtë post. Nëse emërohet, Rubio do të bëhet arkitekti kryesor i vizionit të Trumpit, “Amerika e Para”, dhe do të çojë përpara synimet e Trumpit për dhënie fund të luftërave në Ukrainë dhe Lindjen e Mesme.