Vala e tretë e pandemisë në Maqedoninë e Veriut po rezulton më e vështirë nga ajo e para, duke bërë që të shfaqen raste kur gjendja e pacientëve të prekur nga koronavirusi të rëndohet edhe pas ditës së 14 të infeksionit. Varianti britanik tani po rritet shpejt në vend dhe situata e rënduar ka detyruar qeverinë të marrë masa të reja kufizuese. Prej dita e sotme, në Maqedoninë e veriut nis ndalimi i qarkullimit gjatë natës, nga ora 20 e mbrëmjes e deri në 05,00 të mëngjesit. Ndërkohë, të gjitha hotelet, palestrat, etj do të mbyllen ndërsa ndalohet mblehdja e më shumë se 4 personave në një vend. Të gjitha këto masa do të jenë në fuqi deri më 20 prill. Sipas ministrit të shëndetësisë në maqedoninë e veriut, Venko Filipce, ndryshe nga vala e kaluar, tani pacientët po shërohen me ritëm më të ngadaltë madje ka patur edhe raste ku edhe pas ditës së 14 është përkeqësuar gjendja e pacientëve. "Kemi pasqyrë klinike të sëmundjes më ndryshe nga e kaluara, kur shtrimi në spital zgjat më shumë. Në dallim nga vala e kaluar ku në ditën e 14 të shërimit pacienti në të shumtën e rasteve shërohej, tani kemi karakteristikë edhe tek pacientët e rinj, përkeqësim në ditën e 12-13 dhe 14 të shërimit, një formë e rrallë, me përkeqësim të pasqyrës së mushkërive dhe gjakut”, ka deklaruar Filipçe. Versioni britanik po merr hov, andaj jemi të detyruar për masa të reja, të cilat i ndërmorëm në konsultim me institucionet përkatëse, tha kryeministri Zoran Zaev.