Shqiptarët votuan të dielën për të vendosur nëse do t’i japin kryeministrit edi rama, një mandat të katërt në detyrë, apo të mbështesin rivalin e tij të hershëm në një palë zgjedhje që shihen si thelbësore për ambicjet evropiane të vendit. Kështu e nis raportimin e saj, agjencia franceze e lajmeve AFP, e cila e vendos theksin tek rëndësia e këtyre zgjedhjeve. Vendi më pro evropian në rajon – shkruan AFP – ka pritur 13 vite për fillimin e negociatave për anëtarësim ndërkohë që nënvizon se komuniteti ndërkombëtar i ka ndjekur nga afër këto zgjedhje, duke i konsideruar një test për institucionet e brishta të vendit, pas një fushate të ashpër mes Ramës dhe veteranit politik, Sali Berisha. AFP tjekson se zgjedhjet paraprake priten brenda dy ditësh nga vitimi, pikërisht para samitit të liderëve evropianë në shqipëri, por përmend edhe rezultatet paraprake që duket se favorizojnë partinë e Ramës në pushtet. Edhe agjencia e lajmeve Reuters është ndalur tek zgjedhjet duke theksuar se kryeministri shqiptar, Edi Rama, është në kurs për një mandat të paprecedentë, të katërt, në detyrë ndërsa rezultatet e pjesshme tregojnë se partia e tij socialiste ka një shumicë të dukshme. Në pushtet që në 2013, Rama është favorit për të fituar zgjedhjet, i ndihmuar pjesërisht nga një rrjet ndikimi i ndërtuar në 12 vite pushtet, një periudhë e fundit e rritjes ekonomike dhe një imazh popullor jashtë vendit – thekson Reuters. Nëse kryesimi qëndron, rama do të ketë edhe katër vite të tjera për të vazhduar misionin e tij të anëtarësimit të vendit ballkanik në BE në 2030-ën, një premtim që ishte në qendër të fushatës së tij por që disa ekspertë besojnë se është më optimist se c’duhet. Ndërsa Politico nënvizon se rezultati i zgjedhjeve në shqipëri mbetet i paqartë pasi as edhe një kanal i vetëm shqiptar nuk ka publikuar exit polle, duke i lënë fillimisht votuesit dhe vëzhguesit në terr për rezultatin. Ndërsa sjell një pasqyrë të zhvillimeve, politico thekson se sondazhet para zgjedhjeve e vendosnin partinë socialiste në avantazh, por opozita luftoi fort për të zgjuar bazën e saj dhe për të siguruar një rikthim, duke shkuar madje aq larg sa të pajtonte një strateg të trumpit, chris laCivita, për të ndihmuar fushatën. Nëse socialistët sigurojnë një mandat tjetër, rama që është tashmë në pushtet prej 12 vitesh, do bëhej lideri më jetëgjatë në shqipëri që nga sundimtari komunist Enver Hoxha – shkruan Politico.