Sipas një studimi, përdoruesit e smartfonëve janë bërë si “kërmij që mbajnë shtëpinë në xhep”, duke u bërë rob të telefonit dhe duke shpërfillur miqtë dhe familjen. Një grup antropologësh kaloi më shumë se një vit duke studiuar përdorimin e smartfonëve në 9 vende të ndryshme, përfshi Irlandën dhe Kamerunin. Sipas tyre, njerëzit e shohin telefonin e tyre, jo thjesht si një lodër, por pak a shumë si shtëpinë e tyre. Kjo ka bërë që, në cdo rrethanë, ata me të cilët jemi afër, në një moment mund thjesht të zhduken, sepse janë zhytur në smartfonin e tyre, pra janë kthyer në shtëpi. Ky fenomen po sjell “vdekjen e afrimitetit” kur bëhet fjalë për ndërveprimin mes njerëzve. Njerëzit po mësohen të jetojnë me rrezikun që, edhe kur janë me dikë fizikisht, në aspektin shoqëror, emocional apo profesional mund të jenë vetëm. Studiuesit thonë se shkaku kryesor I këtij transformimi, janë programet si Whatsapp, që ata I quajnë “zemra e smartfonëve”. Për shumë përdorues në botë, një aplikacion I vetëm tani përfaqëson gjënë më të rëndësishme që një telefon smart bën për ta.