Autori I atentatit të një dite më parë në aksin rrugor Shkodër-Koplik, ku mbetën të plagosur kreu i policisë Bashkiake të Malësisë se Madhe, Mentor Hasanaj dhe I ati I tij, Xhelal, është identifikuar si Ilirian Hasanaj, 19 vjeç. I riu është shpallur tashmë në kërkim nga forcat e rendit që kanë sekuestruar dhe motorin pa targa të përdorur prej tij në kohën e atentatit. Në makinë udhëtonte dhe bashkëshortja e Mentor Hasanaj e cila fatmirësisht ka shpëtuar pa lëndime. Pista kryesore e hetimit për ngjarjen tronditësë është ajo e detyrës. Tashmë I riu I kërkuar për plagosjen e tij përballet me akuzat e “vrasjes se më shumë se një personi” të mbetur në tentativë dhe “Armëmbajtje pa leje”. Vetë 37 vjecari është shprehur se nuk është I pëtfshirë në asnjë konflikt dhe se është përpjekur të jetë sa më korrekt ne punën e tij. Në vendin e quajtur LIvadhe, përvec motorit, policia ka gjetur dhe një skafandër dhe sende të tjera të përdorura nga autori i ngjarjes. Shërbimet e Drejtorisë Vendore të Policisë Shkodër po bashkëpunojnë më ata të Malësisë së Madhe, për lokalizimin e kapjen e të riut.