Gjykata e Shkodrës ka dhënë masën e sigurisë ‘arrest me burg’ për Rrok Pepajn, babain e Danjel Pepaj, që akuzohet për dy vrasjet në Malësinë e Madhe. Rrok Pepaj akuzohet nga prokuroria për ‘kultivim të bimëve narkotike në bashkëpunim’. Babai i Danjel Pepajt u arrestua më 9 tetor, në banesën e tij në fshatin Vrith, teksa ndodhej i ngujuar. Ai akuzohet se në fshatin Vrith, në bashkëpunim me djalin e tij, kanë kultivuar 29 bimë narkotike, e cila u bë shkak edhe për vrasjet e Vilson Çutajt dhe Klement Pepaj. Gjatë seancës gjyqësore Rrok Pepaj ka mohuar se ka lidhje me parcelat e drogës. Ai ka thene para gjykatës se ka dalë në mal me policine thjeshte per te kerkuar dhe ne menyre rastesore kane gjetur parcelen dhe dy kufomat. ‘Une nuk kam asnje faj dhe nuk kam lidhje me keto pune sepse une jam i semure dhe kam edhe gruan te semure. Nuk kam patur dijeni per parcelen sepse ne mal kam mbajtur bageti dhe kam mbledhur boronica. Une thjeshte e njoh si zone pjesen malore por nuk e kam ditur se ku ka parcela. Di faktin qe djali im ka patur nje ngaterrese dhe se djalin ma kane rrahur. Djalin tim se kam pare prej disa ditesh dhe di vetem qe jane ngaterruar dhe se e kane rrahur disa persona’, ka deklaruar Rrok Pepaj para gjykatës.