Gjermania ka parë një seri incidentesh në të cilat automjete janë përplasur me turmat duke shkaktuar kaos dhe viktima. Që nga sulmi i vitit 2016 në tregun e Krishtlindjeve Breitscheidplatz të Berlinit, ka patur alarme të përsëritura sigurie rreth tubimeve publike, tregjeve të Krishtlindjeve, karnavaleve dhe demonstratave. Para incidentit të së shtunës vonë, kur një person u vra dhe 17 të tjerë u plagosën, në berlin, lajpcigu u trondit në maj të vitit të kaluar. Dy persona u vranë dhe tre të tjerë u plagosën rëndë kur një makinë hyri në një zonë qendrore për këmbësorë në Leipzig. Policia arrestoi një 33-vjeçar gjerman, dhe më vonë u tha se autori mund të ketë vuajtur nga probleme të shëndetit mendor. Në mars të 2025, dy persona u vranë dhe 11 të tjerë u plagosën kur një 40-vjeçar përplasi makinën me një grup këmbësorësh në Mannheim. Më herët në shkurt, një afgan 24 vjecar përplasi makinën me protestuesit në një manifestim të sindikatave në Mynih, duke vrarë një grua dhe vajzën e saj 2-vjeçare dhe duke plagosur dhjetëra të tjerë. Në dhjetor të 2024, ishte radha e Magdeburgut. Gjashtë persona u vranë dhe më shumë se 200 të tjerë u plagosën kur një makinë u përplas me një treg Krishtlindjesh atje. Një shtetas saudit u dënua me burgim të përjetshëm në qershor të këtij viti.