Skandali i publikimit të targave, ngjyrës apo edhe markës së automjeteve të rreth 600 mijë qytetarëve ka nxjerrë në pah numrin e lartë të makinave në dispozicion të zyrtarëve të vendit, të regjistruar në emrin e institucioneve publike. Nga databaza e bërë publike rezulton se Autoriteti Rrugor Shqiptar mban rekord për numrin e mjeteve të regjistruara, plot 66 të tilla, shumica të tipit, Ford, Toyota e Hyundai. Prokuroria e Përgjithshme ka vendosur 30 automjete në funksion të hetuesve ku dominojnë makinat e tipit ‘Skoda’, për t’u ndjekur nga Hyundai, BMË dhe Mazda. Më pas renditet, Agjensia Kombëtare e Burimeve Natyrore me 13 mjete dhe Instituti i Shëndetit Publik me 12 të tilla. Përsa i përket gjyqtarëve, vihet re se Gjykata e Tiranës ka regjistruar 9 automjete në dispozicion të hetuesve, ndërsa Gjykata e Posaçme e Apelit për Korrupsion dhe Krimin e Organizuar pesë të tilla. Në databazë bie në sy edhe numri i lartë i mjeteve të regjistruara për Ambasadën Amerikanë. Me një total prej 65 makinash, ambasada amerikane renditet ndër institucionet me numrin më të lartë të automjeteve.