Automjeti me të cilin u aksidentua për vdekje 32-vjeçari, Amarildo Islamaj pasditen e së martës në Pogradec rezulton i vjedhur. Hetimi i policisë së Shtetit në lidhje me ngjarjen ka zbuluar se makina ishte vjehdur në fshatin Leshnicë të Bashkisë së Pogradecit. Dyshohet se viktima e ka marrë duke përfituar nga një pakujdesi e pronarit, që e kishte lënë ndezur me çelësat brenda. Vetëm disa minuta më vonë, në përpjekje për t’u larguar, 32 vjeçari ai aksidentohet në aksin Pogradec - Qafë Thanë. Përplasja e forta i shkaktoi dëmtime të rënda që i morën jetën. Komisariati i policisë Pogradec ka marrë edhe deklarimet e pronarit të mjetit i cili ka denoncuar vjedhjen e makinës, ndërsa nga hetimet rezultoi që ishte 32 vjeçari nga Vlora "hajduti" i makinës.