Një aksident I rëndë ka përgjakur mbrëmjen e së premtes rrugët e vendit. Dy persona kanë humbur jetën si pasojë e përplasjes nga një automjet. Aksidenti është shënuar rreth orës 17:00 në Fshatin Mjedë, ku automjeti tip ‘Mercedes Benz’, i drejtuar nga shtetasi me inicialet G.B, si pasojë e humbjes së kontrollit ka dale nga rruga duke përplasur dy këmbësorë. Dy të aksidentuarit janë Ndue Prenga 63 vjeç dhe Ndrek Prenga, 43 vjeç, xhaxha e nip. 63-vjeçari mësohet se ka ndërruar jetë në vendin e ngjarjes, si pasojë e aksidentit, ndërsa nipi I tij, 43-vjeçar, ka humbur jetën gjatë transportit për në spital. Sipas policisë, nga përplasja është dëmtuar dhe drejtuesi i automjetit, shtetasi G. B., i cili ndodhet në Spital, për ndihmë mjeksore, i shoqëruar nga efektivë të Policisë, pasi pas marrjes së ndihmës mjeksore do shoqërohet në Komisariat për veprime të mëtejshme. Ndërkohë ende nuk dihet se cilat kanë qenë shkaqet e këtij aksidenti të rëndë, por lagështira në rrugë dhe shpejtësi, mbeten një prej pistave ku po hetohet.