Tre persona humbën jetën këtë të enjte në jug të Holandës, mes tyre dy fëmijë dhe një i rritur, pasi një automjet përplasi një grup çiklistësh fëmijë që po merrnin pjesë në një kamping të organizuar nga shkolla. Nga autoritetet holandeze është bërë e ditur se 4 fëmijë të tjerë kanë mbetur të plagosur rëndë dhe janë dërguar në spital. Policia ka nisur hetimet për të përcaktuar shkaqet që cuan në aksidentin i cili ndodhi në një rrugë provinciale në një qytezë të vogël, rreth 200 kilometra në jug të Amsterdamit. Drejtuesi i automjetit është arrestuar, ndërkohë hetimet kanë nisur për zbardhjen e plotë të ngjarjes. Aksidente të tilla me përfshirjen e një numri të madh çiklistësh janë të rralla në Holandë, një vend ku biçikleta është pjesë e përditshmërisë dhe ku shumica e rrugëve janë të pajisura me korsi të dedikuara për çiklistët.