Të paktën nëntë persona u vranë dhe katër të tjerë u plagosën kur një makinë goditi këmbësorët pranë bashkisë së Seulit të hënën, tha policia. Në vendngjarje pati gjashtë viktima, ndërsa tre të tjerë u shpallën të vdekur pasi u dërguan me urgjencë në spital, tha zjarrfikësi Kim Chun-soo. Agjencia e lajmeve e Koresë së Jugut Yonhap raportoi se një shofer 68-vjeçar u përplas me njerëzit që po prisnin pranë një semafori për të kaluar rrugën. “Ai po lëvizte në drejtim të gabuar dhe goditi dy automjete të tjera përpara se të përplasej me këmbësorët, thanë autoritetet. Hetimet janë duke u zhvilluar për të përcaktuar nëse shoferi ishte nën efektin e drogës apo alkoolit. Kryetari i bashkisë së Seulit e përshkroi aksidentin si një tragjedi. Ai kërkoi nga autoritetet zbardhjen sa më shpejtë të shkaqeve të ngjarjes.