Listat e kandidatëve të Partisë Socialiste në këto zgjedhje parlamentare sollën jo pak surpriza në renditje e emrave të deputetëve. Në një moment ku socialistët synojnë të marrin 19 deri në 20 mandate në qarkun e Tiranës, deputetë që kanë një kontribut histroik në parti, të tillë si Mimi Kodheli, Fatmir Xhafaj apo Pandeli Majkon janë pozicionuar larg 20 emrave të parë të listës Për të folur mbi këtë çështje ka qenë i ftuar në “Breaking” kandidati për deputet i Partisë Socialiste, Pandelin Majko. Majko është shprehur i sigurt për kandidaturën e tij, kjo pasi kandidon për herë të tretë në njësinë administrative numër pesë të kryeqytetit prandaj dhe shprehet i sigurt përballë këtij komuniteti, megjithëatë sipas tij është kutia e votimit ajo që jep verdiktin përfundimtar. Majko e ka cilësuar Metën kundërshtar të mazhorancës dhe mbështetës i Bashës, teksa nuk ka lënë pa komentuar edhe ftesën e Ramës për bashkëqeverisje me kryedemokratin Basha. Nervozizmi i palës tjetër është naiv. Nuk po i kërkon PD-së se nëse fitojnë zgjedhjet, ne po kërkojmë ndonjë post ministror. Kishte dalë diku me kryetaren e LSI-së dhe thuajse në javën e fundit. E tillë do të jetë edhe qeverisja, nëse publiku mendon për një sekondë se ata do të jenë fitues. LSI nuk është një parti e lehtë me të cilën mund të bashkëpunosh. Është për ti uruar edhe fat që të kenë një bashkëpunim të mirë. Ne kemi deklaruar vetëm një aleancë, atë me qytetarinë.