Kryeministri francez në largim, Sebastien Lecornu, do të fillojë të martën dy ditë të fundit bisedimesh me anëtarë të partive të ndryshme, një ditë pas dorëheqjes së tij tronditëse, në një përpjekje për të gjetur një rrugëdalje nga kriza politike e vendit. Lecornu paraqiti dorëheqjen e tij dhe të qeverisë së tij të hënën në mëngjes, pasi qeveria e shpallur vetëm të dielën në mbrëmje, u refuzua si nga aleatët ashtu edhe nga kundërshtarët. Qeveria e tij ishte administrata me jetëshkurtër në historinë moderne franceze. Makron i ngarkoi Lecornut të hënën detyrën e mbajtjes së bisedimeve, duke vendosur një afat për mbrëmjen e së mërkurës.