Rizgjedhja e presidentit francez Emmanuel Macron ka forcuar vizionin e tij për një Evropë sovrane dhe gjithashtu mund të zvogëlojë potencialin e Gjermanisë për lidership politik brenda BE-së. Ndërsa rezultati i zgjedhjeve presidenciale franceze u prit me lehtësim në shumë vende në BE, rizgjedhja e Macron nënvizon gjithashtu rolin e fortë udhëheqës të Francës. Marrja e një roli më të fortë lidershipi në Evropë nga Franca ndihmohet nga disa faktorë. Në veçanti, qëndrimi hezitues i qeverisë gjermane për luftën e Rusisë në Ukrainë ka dobësuar ndjeshëm pozicionin e Gjermanisë në BE. Berlini jo vetëm që frenuar sanksionet e BE-së, por refuzimi i tij për të furnizuar Ukrainën me armë të rënda ka ulur gjithashtu potencialin e tij drejtues. Në të njëjtën kohë, lufta ka ekspozuar gjithashtu dobësitë e politikave të saj të dekadave të fundit.