Franca do ti ofrojë Ukrainës raketat kruiz me rreze të gjatë veprimi SCALP, për të ndihmuar forcat e Kievit që të godasin shënjestra thellë pas linjave ruse, tha presidenti Emmanuel Macron të martën. Ndërsa mbërriti në samitin e NATO-s që është fokusuar tek lufta e Kievit kundër pushtimit rus, Macron tha se Parisi do të dërgojë raketat SCALP që janë dhënë tashmë edhe nga Londra, por nën emrin Storm Shadoë. Macron tha se dërgesa e re e raketave kishte si qëllim që të lejont ukrainën të godiste forcat pushtuese ruse në thellësi, gjatë kundërofensivës së saj për të cliruar territoret e veta. SCALP apo Storm Shadoë, është një armë anglo-franceze me rreze veprimi 250 km, rrezja më e gjatë kjo se e cdo arme që i është dhënë ukrainës nga perëndimi deri më tani. Britania e madhe kishte njoftuar që në maj se do ta furnizonte kievin me armët e avancuara. Rusia reagoi me zemërim duke kërcënuar londrën se po përfshihej direkt në konflikt ndërkohë që disa aleatë perëndimorë ishin të shqetësuar se Kievi mund të kryente goditje brenda në rusi. Macron sidoqoftë tha se ukraina ishte zotuar se nuk do ti përdorte raketat SCALP kundër shënjestrave të tilla, duke thënë se ato ishin ofruar në pajtim me doktrinën franceze, sipas të cilës do ta lejojnë ukrainën të mbrojë tokat e saj. Macron nuk tha se sa raketa do ti jepeshin kievit por franca raportohet se ka një arsenal prej më pak se 400 të tillash.